សហថាមពល-Phygital

ថ្ងៃទី១៤ ខែមករា ឆ្នាំ២០២៦

ធនាគារ អេស៊ីលីដា បានរួមបញ្ចូលគ្នារវាង មនុស្ស និងឌីជីថល ដើម្បីលើកកម្ពស់ផលិតផល និងសេវាកម្មហិរញ្ញវត្ថុឈានមុខ។

ផ្នែកខាងឆ្វេង៖ ទម្រង់មុខរបស់មនុស្ស តំណាងឱ្យពួកយើងទាំងអស់គ្នា នៅក្នុងពិភពលោកពោរពេញដោយក្បួនដោះស្រាយ (World Algorithms) និងការវិនិច្ឆ័យប្រកបដោយវិជ្ជាជីវៈ ដែលគ្មានម៉ាស៊ីនណាអាចជំនួសបានឡើយ។ មនុស្សគឺជាការតភ្ជាប់ "រូបវន្ត (Physical)" ទៅកាន់សហគមន៍របស់យើង។

ផ្នែកខាងស្តាំ៖ មានសញ្ញាសៀគ្វីឌីជីថលដែលតភ្ជាប់ដោយផ្ទាល់ទៅក្នុងផ្នែកខួរក្បាល តំណាងឱ្យបច្ចេកវិទ្យាព័ត៌មានលំដាប់ទីមួយ (First Class IT) និង ACLEDA Super App ដែលផ្តល់ថាមពលកាន់តែឆ្លាតវៃ លឿនរហ័ស និងកាន់តែមានប្រសិទ្ធភាព ដោយភ្ជាប់ជាមួយទិន្នន័យ បច្ចេកវិទ្យា និងបញ្ញាសិប្បនិម្មិត (AI) ដែលជួយក្នុងការបម្រើអតិថិជន ឱ្យកាន់តែល្អប្រសើរ ជាលំដាប់។

ដុះលេចចេញពីខ្សែបណ្តាញឌីជីថល មានរចនាដ៏ស្រស់ស្អាតនៃក្បាច់ខ្មែរ (ក្បាច់ភ្ញី) ដែលជាធាតុសំខាន់បំផុត សម្រាប់ភ្ជាប់បច្ចេកវិទ្យា ជាមួយមរតកវប្បធម៌របស់ខ្មែរ។

រង្វង់មូល និងពណ៌៖

ពណ៌ខៀវទឹកប៊ិក៖ តំណាងឱ្យសាមគ្គីភាព ស្ថិរភាព និងសុវត្ថិភាព។
ពណ៌មាស៖ តំណាងឱ្យគុណតម្លៃ និងគុណភាព។
ពណ៌ស៖ តំណាងឱ្យអភិសមាចារ-សីលធម៌ (តម្លាភាព ស្មោះត្រង់ និងសុចរិតភាព)។

និមិត្តសញ្ញានេះជាប្រព័ន្ធអេកូឡូស៊ី ដែលយើងបាននិងកំពុងបន្តកសាង និងអភិវឌ្ឍវិសាលភាពនៃអេស៊ីស៊ូភើអេប (The world of ACLEDA Super App) ដែលជាការរស់នៅ ជីវភាពប្រចាំថ្ងៃ និងអាជីវកម្ម-ធុរកិច្ច-ការប្រកបមុខរបរ ជួបប្រសព្វគ្នា។

« ព័ត៌មានមុន
ការដាក់ឱ្យប្រើប្រាស់ជាផ្លូវការនូវ ប័ណ្ណឥណពន្ធម៉ាស្ទ័រកាតអេស៊ីលីដា ជាប្រាក់រៀល