ការពារសុវត្ថិភាពទូរសព្ទរបស់អ្នក! សូមប្រុងប្រយ័ត្ន! ជនខិលខូចអាចនឹងសុំខ្ចីទូរសព្ទរបស់អ្នក ហើយព្យាយាមបើកកម្មវីធីធនាគាររបស់អ្នក។

1. សូមកុំបណ្ដោយឱ្យនរណាម្នាក់ប្រើទូរសព្ទរបស់អ្នក ទោះបីមួយរយៈពេលខ្លីក៏ដោយ។
2. សូមចាក់សោទូរសព្ទរបស់អ្នកជានិច្ច នៅពេលដែលអ្នកមិនប្រើវា។
3. សូមរក្សាការសម្ងាត់នូវគណនីធនាគារ និងព័ត៌មានសម្ងាត់សម្រាប់ចូលប្រើកម្មវិធីធនាគាររបស់អ្នក។

សូមប្រយ័ត្ន ក្រុមឆបោកអាចផ្ញើសារតាម Telegram ឬមធ្យោបាយផ្សេងៗ ដើម្បីប៉ុនប៉ងលួចព័ត៌មានផ្ទាល់ខ្លួន ឬព័ត៌មានគណនីធនាគាររបស់លោកអ្នក។

1. កុំចុចលើតំណភ្ជាប់ (Link) ដែលមិនស្គាល់ គ្មានប្រភពច្បាស់លាស់។
2. រក្សាសុវត្ថិភាព និងការសម្ងាត់នូវព័ត៌មានគណនីធនាគារ របស់លោកអ្នក។
3. សូមប្រើកម្មវិធី "អេស៊ីស៊ូភើអេប" ផ្លូវការរបស់ធនាគារ អេស៊ីលីដា ដើម្បីធ្វើប្រតិបត្តិការ។
4. ប្រសិនបើសារនោះគួរឱ្យសង្ស័យ សូមលុបចោលភ្លាម ឬកុំចុចលើសារនោះ។

សេចក្តីជូនដំណឹង 

ថ្ងៃទី២៧ ខែកក្កដា ឆ្នាំ២០២៥

ដើម្បីសម្រួលដល់អតិថិជន-សាធារណជន និងបងប្អូនពលករខ្មែរយើងដែលធ្វើដំណើរពីប្រទេសថៃ ចូលមកប្រទេសកម្ពុជា ការិយាល័យសាខា ធនាគារ អេស៊ីលីដា ចំនួន២ រួមមាន សាខាអេស៊ីលីដាស្រុកកំរៀង និងអេស៊ីលីដាក្រុងប៉ោយប៉ែត បើកបម្រើសេវាប្តូរប្រាក់តាមអត្រាផ្លូវការ របស់​ធនាគារ​ អេស៊ីលីដា​ តាម​វិធី​ដូចខាងក្រោម៖

• ទទួលប្រាក់បាតថៃ ពីអតិថិជន និងផ្ទេរជាប្រាក់រៀល ឬដុល្លារ ចូលគណនីអតិថិជន (AC Super App / Bank Account)។
• ទទួលប្រាក់បាតថៃ និងរូបិយប័ណ្ណផ្សេងទៀត ពីអតិថិជន និងប្តូរ​ជាប្រាក់រៀល ឬដុល្លារ តាមតម្រូវការជាក់ស្តែង។

ធនាគារ អេស៊ីលីដា ភីអិលស៊ី សូមជម្រាបជូនអតិថិជន និងសាធារណជនទាំងអស់ មេត្តាជ្រាបថា៖ អេស៊ីស៊ូភើអេប​ (ACLEDA Super App) ត្រូវបានអភិវឌ្ឍឡើងដោយផ្អែកលើហេដ្ឋារចនាសម្ព័ន្ធឌីជីថល ដែលមានប្រព័ន្ធធនាគារស្នូលដ៏មានអានុភាពខ្លាំង និងបំពាក់ដោយប្រព័ន្ធសុវត្ថិភាពខ្ពស់ ក្នុងការទប់ស្កាត់រាល់ការប៉ុនប៉ងរំខាន ឬបន្លំក្នុងប្រព័ន្ធឌីជីថល។ វាជាប្រព័ន្ធធនាគារស្នូលដែលមានសមត្ថភាព និងមានសុវត្ថិភាពខ្ពស់។

យើងខ្ញុំមានសេចក្តីរីករាយ ដោយបានផ្តល់សេវាហិរញវត្ថុគ្រប់ប្រភេទ និងការពារផលប្រយោជន៍របស់អតិថិជនទាំងអស់។ ទ្រព្យសម្បត្តិដ៏មានតម្លៃរបស់លោកអ្នកនៅជាមួយធនាគារ ជាការទទួលខុសត្រូវកម្រិតខ្ពស់របស់ធនាគារ។

សូមប្រើប្រាស់សេវាហិរញ្ញវត្ថុគ្រប់ប្រភេទដោយរីករាយ និងសេចក្តីជឿទុកចិត្ត ពីធនាគារ អេស៊ីលីដា ប្រជាធនាគារដែលលោកអ្នកជឿទុកចិត្ត!

សូមលោកអ្នកប្រុងប្រយ័ត្ន កុំផ្ទេរប្រាក់ទៅមនុស្សដែលអ្នកមិនធ្លាប់ស្គាល់ ទាំងក្នុង និងក្រៅប្រទេស ក្នុងគោលបំណងដើម្បីទូទាត់ ឬទទួលបានផលប្រយោជន៍អ្វីមួយ ពីអ្នកទាំងនោះ។

សូមចងចាំថាបុគ្គលិកធនាគារ អេស៊ីលីដា នឹងមិនទាក់ទងលោកអ្នកដើម្បីសួរអំពីលេខគណនី លេខសម្ងាត់ផ្ទាល់ខ្លួន ឬក៏ព័ត៌មានផ្ទាល់ខ្លួនរបស់លោក​អ្នក តាមរយៈអុីម៉ែល ឬទូរសព្ទនោះទេ។ ធនាគារក៏មិនទាក់ទងលោកអ្នក ដើម្បីស្នើសុំឱ្យលោកអ្នកផ្ទេរប្រាក់ទៅកាន់អ្នកណាម្នាក់ ឬទៅកាន់គណនីណាមួយឡើយ។