ផលិតផល និងសេវាព័ត៌មានខ្លីៗអំពីផលិតផល និងសេវា

ព័ត៌មានខ្លីៗអំពីផលិតផល និងសេវា

មុខងារថ្មី! បញ្ជាក់ជាសំឡេងចំនួនទឹកប្រាក់ ទាំងពេលលុយចូល និងលុយចេញ

ថ្ងៃទី២២ ខែឧសភា ឆ្នាំ២០២៦

ឥឡូវនេះ អេស៊ីស៊ូភើអេប អាចជូនដំណឹងជាសំឡេងបញ្ជាក់ពីចំនួនទឹកប្រាក់ប្រតិបត្តិការចូល និងចេញ ដែលធ្វើឱ្យការទូទាត់កាន់តែងាយស្រួល សម្រាប់អ្នកប្រើប្រាស់ និងអាជីវករទាំងអស់។ ដើម្បីបើកមុខងារថ្មីនេះ៖ មើលបន្ថែម

សូមចូលកម្មវិធី អេស៊ីស៊ូភើអេប
ចុចលើ "ម៉ឺនុយ" → "កំណត់មុខងារផ្សេងៗ"
ជ្រើសរើស "បញ្ជាក់ទឹកប្រាក់ជាសំឡេង"
ជ្រើសរើសភាសាសំឡេង (ខ្មែរ អង់គ្លេស ឬចិន)
បើកសំឡេងទឹកប្រាក់ចូល និងទឹកប្រាក់ចេញ

បញ្ជាក់កម្មសិទ្ធិស៊ីមកាត (SIM/eSIM) លេខទូរសព្ទរបស់លោកអ្នក តាមរយៈអេស៊ីស៊ូភើអេប

ថ្ងៃទី២០ ខែឧសភា ឆ្នាំ២០២៦

បញ្ជាក់កម្មសិទ្ធិស៊ីមកាត (SIM/eSIM) លេខទូរសព្ទរបស់លោកអ្នក តាមរយៈអេស៊ីស៊ូភើអេប បានយ៉ាងងាយស្រួល និងមានសុវត្ថិភាពខ្ពស់។ មើលបន្ថែម

សូមបើកកម្មវិធី DG SuperApp
ជ្រើសរើស "SIM Verifier"
ជ្រើសរើស "ACLEDA"
សូមស្កេនស្នាមម្រាមដៃ ឬផ្ទៃមុខ ឬបញ្ចូលលេខសម្ងាត់ លើអេស៊ីស៊ូភើអេប
ចុចលើប៊ូតុង "បញ្ជាក់"

ទូទាត់ថ្លៃជួលអចលនទ្រព្យ ក្រុមហ៊ុន អ៊ីនវ៉ា រៀល អ៊ីស្ទេត តាមរយៈអេស៊ីស៊ូភើអេប

ថ្ងៃទី១៩ ខែឧសភា ឆ្នាំ២០២៦

កាន់តែងាយស្រួល និងមានសុវត្ថិភាពខ្ពស់ ឥឡូវនេះលោកអ្នកអាចទូទាត់ថ្លៃជួលអចលនទ្រព្យ ក្រុមហ៊ុន អ៊ីនវ៉ា រៀល អ៊ីស្ទេត តាមរយៈអេស៊ីស៊ូភើអេប ឬស្កេនលើ ACLEDA KHQR បានយ៉ាងឆាប់រហ័ស។

បង់ថ្លៃពន្ធគយ និងរដ្ឋាករ សម្រាប់នាំចេញ-នាំចូលផ្សេងៗ ជាមួយអេស៊ីស៊ូភើអេប

ថ្ងៃទី១៨ ខែឧសភា ឆ្នាំ២០២៦

ឥឡូវនេះកាន់តែងាយស្រួល លោកអ្នកអាចស្កេន QR code នៅលើដីកាទូទាត់ (Payment Advice) របស់អគ្គនាយកដ្ឋានគយនិងរដ្ឋាករកម្ពុជា (GDCE) ដើម្បីបង់ថ្លៃពន្ធគយ និងរដ្ឋាករ សម្រាប់នាំចេញ-នាំចូលផ្សេងៗ ជាមួយអេស៊ីស៊ូភើអេប ដោយមិនអស់ថ្លៃសេវា។

លោកអ្នកក៏អាចបង់ពន្ធគយ និងរដ្ឋាករ តាមអេស៊ីស៊ូភើអេប ដោយបញ្ចូលលេខវិក្កយបត្រ ឬស្កេនបារកូដ (Barcode) នៅលើដីកាទូទាត់របស់ GDCE ក៏បានផងដែរ។

ដាក់ពាក្យស្នើសុំ និងប្រើប្រាស់បណ្ណបើកបរឌីជីថល នៅលើកម្មវិធី DG SuperApp តាមរយៈអេស៊ីស៊ូភើអេប

ថ្ងៃទី១៦ ខែឧសភា ឆ្នាំ២០២៦

ការបើកបរឆ្ពោះទៅមុខ ជាមួយបច្ចេកវិទ្យាឌីជីថលកាន់តែឆ្លាតវៃ។

ធនាគារ អេស៊ីលីដា មានមោទនភាពក្នុងការគាំទ្រ ដល់ការកម្លាយសេវាឌីជីថលរបស់កម្ពុជា តាមរយៈកិច្ចសហការជាមួយ ក្រសួងសាធារណការនិងដឹកជញ្ជូន និងក្រសួងប្រៃសណីយ៍និងទូរគមនាគមន៍។

មើលបន្ថែម

ឥឡូវនេះ អតិថិជនអាចដាក់ពាក្យស្នើសុំ និងប្រើប្រាស់បណ្ណបើកបរឌីជីថល នៅលើកម្មវិធី DG SuperApp តាមរយៈអេស៊ីស៊ូភើអេប បានយ៉ាងងាយស្រួល — ដែលធ្វើឱ្យជីវិតប្រចាំថ្ងៃកាន់តែងាយស្រួល និងមានសុវត្ថិភាព ដោយមិនចាំបាច់កាន់បណ្ណបើកបរច្បាប់ដើមជាប់ខ្លួន។
លោកអ្នកគ្រាន់តែចុះឈ្មោះ នៅលើកម្មវិធី DG SuperApp ដោយផ្ទៀងផ្ទាត់តាមរយៈអេស៊ីស៊ូភើអេប បន្ទាប់មកស្កេន QR code នៅលើបណ្ណបើកបររបស់លោកអ្នក ដែលចេញដោយក្រសួងសាធារណការ និងដឹកជញ្ជូន ដើម្បីរក្សាទុកវាដោយសុវត្ថិភាពជាទម្រង់ឌីជីថល សម្រាប់ប្រើប្រាស់ជាផ្លូវការ ជាមួយអាជ្ញាធរពាក់ព័ន្ធនានា។
គំនិតផ្តួចផ្តើមនេះឆ្លុះបញ្ចាំងពីការប្តេជ្ញាចិត្តរួមគ្នាជាមួយស្ថាប័នសាធារណៈ ក្នុងការផ្តល់ជូនប្រជាជនកម្ពុជាជាមួយនឹងដំណោះស្រាយសេវាឌីជីថលដែលអាចទុកចិត្តបាន គាំទ្រដល់ការរស់នៅកាន់តែឆ្លាតវៃ និងភាពងាយស្រួលជាងមុនជារៀងរាល់ថ្ងៃ។
- ការផ្ទៀងផ្ទាត់ងាយស្រួល
- ការចូលប្រើសេវាឌីជីថល ដែលមានសុវត្ថិភាពខ្ពស់
- ការប្រើប្រាស់ប្រចាំថ្ងៃងាយស្រួល
- គាំទ្រដល់សេវាឌីជីថល នាពេលអនាគតរបស់កម្ពុជា
មើលវីដេអូarrow_forward

ស្នើសុំ និងទូទាត់កម្រៃសេវារដ្ឋបាល តាមប្រព័ន្ធអនឡាញ អង្គភាពច្រកចេញចូលតែមួយ

ថ្ងៃទី១ ខែឧសភា ឆ្នាំ២០២៦

ក្រោមកិច្ចសហប្រតិបត្តិការរវាងធនាគារ អេស៊ីលីដា និងអគ្គនាយកដ្ឋានរដ្ឋបាល ក្រសួងមហាផ្ទៃ ឥឡូវនេះលោកអ្នកអាចស្នើសុំ និងទូទាត់កម្រៃសេវារដ្ឋបាល តាមប្រព័ន្ធអនឡាញ អង្គភាពច្រកចេញចូលតែមួយ នៅលើអេស៊ីស៊ូភើអេប បានយ៉ាងងាយស្រួល និងមានសុវត្ថិភាពខ្ពស់។

ទូទាត់ថ្លៃសំបុត្ររថយន្ត redBus តាមអេស៊ីស៊ូភើអេប

ថ្ងៃទី៣០ ខែមេសា ឆ្នាំ២០២៦

កាន់តែងាយស្រួល និងមានសុវត្ថិភាពខ្ពស់ ទូទាត់ថ្លៃសំបុត្ររថយន្ត redBus តាមអេស៊ីស៊ូភើអេប ឬស្កេនតាមអេស៊ីលីដា KHQR បានគ្រប់ធនាគារ ឬតាមកាតគ្រប់ប្រភេទ បានយ៉ាងឆាប់រហ័ស។

ផ្ទេរប្រាក់ក្រៅប្រទេសតាម Visa B2B Connect បានយ៉ាងងាយស្រួល នៅលើអេស៊ីស៊ូភើអេប

ថ្ងៃទី២១ ខែមេសា ឆ្នាំ២០២៦

ឥឡូវនេះលោកអ្នកអាចផ្ទេរប្រាក់អន្តរជាតិ បានកាន់តែងាយស្រួល។ ជាមួយនឹងការផ្ទេរប្រាក់ទៅក្រៅប្រទេសតាម វីសាប៊ីធូប៊ី នៅលើអេស៊ីស៊ូភើអេប អតិថិជនអាចផ្ញើប្រាក់ពីគណនីក្រុមហ៊ុន ទៅកាន់អ្នកទទួលជាក្រុមហ៊ុន នៅក្រៅប្រទេស បានយ៉ាងងាយស្រួល និងមានសុវត្ថិភាពខ្ពស់។

បើកកម្មវិធី ACLEDA Super App
ជ្រើសរើស ផ្ទេរប្រាក់ក្រៅប្រទេស តាមវីសាប៊ីធូប៊ី
បញ្ចូលព័ត៌មានផ្ទេរប្រាក់ រួចចុចបញ្ជូន ជាការស្រេច
ព័ត៌មានបន្ថែម arrow_forward

ទូទាត់ថ្លៃសំបុត្រធ្វើដំណើរជាមួយ Ekareach Express-ឯករាជ្យ អ៉ិចប្រេស តាមអេស៊ីស៊ូភើអេប

ថ្ងៃទី២០ ខែមេសា ឆ្នាំ២០២៦

ឥឡូវនេះអតិថិជនអាចទូទាត់ថ្លៃសំបុត្រធ្វើដំណើរជាមួយ Ekareach Express-ឯករាជ្យ អ៉ិចប្រេស តាមអេស៊ីស៊ូភើអេប ឬស្កេនជាមួយអេស៊ីលីដា KHQR បានយ៉ាងងាយស្រួល និងមានសុវត្ថិភាពខ្ពស់។

ដូច្នេះនៅពេលកក់សំបុត្រធ្វើដំណើរ ឯករាជ្យ អុិចប្រេស សូមជ្រើសរើសបង់ប្រាក់តាមអេស៊ីស៊ូភើអេប ឬជ្រើសរើស "អេស៊ីលីដា KHQR" ដើម្បីស្កេនបង់ប្រាក់បានគ្រប់ធនាគារ។

អេស៊ីស៊ូភើអេប របស់អ្នកមានបន្ថែមរូបរាងថ្មី តាមរចនាបថចូលឆ្នាំខ្មែរ

ថ្ងៃទី៩ ខែមេសា ឆ្នាំ២០២៦

អបអរសាទរមហាសង្ក្រាន្តឆ្នាំថ្មី ឆ្នាំមមី អដ្ឋស័ក ព.ស ២៥៧០ គ.ស ២០២៦។

សូម Update អេស៊ីស៊ូភើអេប នៅលើ App Store / Google Play / AppGallery ជាមួយនឹងរូបរាងថ្មី តាមរចនាបថចូលឆ្នាំខ្មែរ ដ៏ស្រស់ស្អាត ដើម្បីអបអរសាទរទទួលទេវតាឆ្នាំថ្មី ប្រពៃណីជាតិ។

អេស៊ីស៊ូភើអេប របស់អ្នកមានបន្ថែមរូបរាងតុក្កតាថ្មីៗ

ថ្ងៃទី៨ ខែមេសា ឆ្នាំ២០២៦

ឥឡូវនេះ អេស៊ីស៊ូភើអេប របស់អ្នកមានបន្ថែមរូបរាងតុក្កតាថ្មីៗដ៏ស្រស់ស្អាតបន្ថែមទៀត ចម្រុះពណ៌ ជាមួយភាពច្នៃប្រឌិត កាន់តែគួរឱ្យស្រឡាញ់សម្រាប់អ្នក

សូម Update កម្មវិធីអេស៊ីស៊ូភើអេប ឥឡូវនេះ នៅលើ App Store / Google Play / Hauwei AppGallery ដើម្បីប្រើប្រាស់ជាមួយរូបរាងដ៏ប្រណីត និងអស្ចារ្យប្លែកលើសគេ។

ទូទាត់ប្រាក់ឆ្លងដែន តាមរយៈប្រព័ន្ធបាគង ជាមួយអេស៊ីលីដា KHQR ជាប្រាក់រៀល ពីភ្ញៀវដែលប្រើអេបធនាគារនៅប្រទេសសិង្ហបុរី

ថ្ងៃទី១ ខែមេសា ឆ្នាំ២០២៦

ដំណឹងពិសេស! ឥឡូវនេះ គ្រប់ដៃគូអាជីវករ អេស៊ីលីដា ទាំងអស់នៅទូទាំងប្រទេសកម្ពុជា អាចទទួលទូទាត់ប្រាក់ឆ្លងដែន តាមរយៈប្រព័ន្ធបាគង ជាមួយអេស៊ីលីដា KHQR ជាប្រាក់រៀល ពីភ្ញៀវដែលប្រើអេបធនាគារនៅប្រទេសសិង្ហបុរី បានយ៉ាងងាយស្រួល និងសុវត្ថិភាពខ្ពស់។

លើសពីនេះទៀត លោកអ្នកក៏អាចប្រើអេស៊ីស៊ូភើអេប ស្កេនទូទាត់ប្រាក់ឆ្លងដែនបានយ៉ាងងាយស្រួល នៅប្រទេសសិង្ហបុរី, ជប៉ុន, វៀតណាម, ឡាវ, ម៉ាឡេស៊ី និងថៃ ហើយនឹងពង្រីកទៅកាន់ប្រទេសជាច្រើនបន្ថែមទៀត នាពេលខាងមុខ។

សូមមើលតារាងធនាគារដៃគូនៅក្រៅប្រទេសarrow_forward

ដាក់ពាក្យស្នើសុំបន្តសុពលភាព ត្រួតពិនិត្យលក្ខណៈបច្ចេកទេសយានជំនិះ (ឆៀក) នៅលើអេស៊ីស៊ូភើអេប

ថ្ងៃទី១ ខែមេសា ឆ្នាំ២០២៦

ក្រោមកិច្ចសហប្រតិបត្តិការរវាងធនាគារ អេស៊ីលីដា និងក្រសួងសាធារណការ និងដឹកជញ្ជូន ឥឡូវនេះលោកអ្នកអាចដាក់ពាក្យស្នើសុំបន្តសុពលភាព ត្រួតពិនិត្យលក្ខណៈបច្ចេកទេសយានជំនិះ (ឆៀក) នៅលើអេស៊ីស៊ូភើអេប ឬនៅសាខាធនាគារ អេស៊ីលីដា (ខណ្ឌឫស្សីកែវ - សង្កាត់គីឡូម៉ែត្រលេខ៦)។ របៀបស្នើសុំ

បើកកម្មវិធី អេស៊ីស៊ូភើអេប
អូសចុះក្រោមដល់កន្លែង "សេវាផ្សេងៗ / Other Services" រួចជ្រើសរើស "សេវាសាធារណការ និងដឹកជញ្ជូន / MPWT Public Service"
យល់ព្រមតាមកិច្ចព្រមព្រៀង និងលក្ខខណ្ឌ
ជ្រើសរើសសេវា "បន្តសុពលភាពឆៀកយានជំនិះ"
ស្កេន QR Code ដើម្បីផ្ទៀងផ្ទាត់ទិន្នន័យ (បណ្ណសម្គាល់យានជំនិះ ឬលតាបត្រ ឬវិញ្ញាបនបត្រឆៀក)
បញ្ចូលឯកសារតម្រូវ (Upload)៖ បណ្ណសម្គាល់យានជំនិះ, លតាបត្រ ឬវិញ្ញាបនបត្រឆៀក, អត្តសញ្ញាណប័ណ្ណ (ម្ចាស់យានជំនិះ ឬអ្នកស្នើសុំ)
ជ្រើសរើសកាលបរិច្ឆេទ ទីតាំងមណ្ឌលឆៀក និងទូទាត់ប្រាក់សេវា

ព័ត៌មានបន្ថែមexpand_more

ចុះបញ្ជីក្រោមលេខ	:	00003077
អាសយដ្ឋាន	:	អគារលេខ៦១ មហាវិថីព្រះមុនីវង្ស សង្កាត់ស្រះចក ខណ្ឌដូនពេញ រាជធានីភ្នំពេញ។ មើលផែនទី
ប្រអប់សំបុត្រ	:	១១៤៩
ទូរសព្ទ	:	០២៣ ៩៩៨ ៧៧៧
អ៊ីម៉ែល	:	acledabank@acledabank.com.kh
SWIFT Code	:	ACLBKHPP

ព័ត៌មាន​ខ្លីៗ​អំពីផលិតផល និង​សេវា

ព័ត៌មានខ្លីៗអំពីផលិតផល និងសេវា