ផលិតផល និងសេវាឌីជីថលទូទាត់វិក្កយបត្រអេស៊ីលីដាម៉ូបាល

ទូទាត់វិក្កយបត្រតាមអេស៊ីលីដាម៉ូបាល

លោកអ្នកអាចទូទាត់វិក្កយបត្រគ្រប់ប្រភេទ បានយ៉ាងងាយស្រួលនិងឆាប់រហ័ស តាមរយៈអេស៊ីលីដាម៉ូបាល លើទូរស័ព្ទដៃរបស់លោកអ្នក គ្រប់ពេលវេលា និងគ្រប់ទីកន្លែង ជាមួយក្រុមហ៊ុនដូចខាងក្រោម ៖

ក្រសួងសាធារណការ និងដឹកជញ្ជូន
ទូទាត់ដោយបញ្ចូល "លេខប្រតិបត្តិការ" ឬស្កេន QR code នៅលើវិក្កយបត្រ
ចំណូលមិនមែនសារពើពន្ធ
ក្រសួងការងារ និងបណ្តុះបណ្តាលវិជ្ជាជីវៈ
បេឡាជាតិសន្តិសុខសង្គម (ប.ស.ស.)
បង់ប្រាក់ភាគទាន៖ សហគ្រាសគ្រឹះស្ថាន, សោធនស្ម័គ្រចិត្ត, និងបុគ្គលស្វ័យនិយោជន៍។ ដើម្បីបង់ សូមស្កេន QR code ឬបញ្ចូលលេខ ១៤ខ្ទង់ នៅលើប័ណ្ណ រួចទាំងសញ្ញាដក (xxxxxxx-xxxxxxx)។
ប័ណ្ណការងារជនបរទេស
ផ្លូវល្បឿនលឿនភ្នំពេញ - ក្រុងព្រះសីហនុ
បង់លុយមុនពេលធ្វើដំណើរ "ផ្លូវល្បឿនលឿនភ្នំពេញ-ក្រុងព្រះសីហនុ" រួចធ្វើដំណើរចេញ-ចូល តាម គន្លងអាទិភាព ANPR ដោយមិនបាច់យកកាត ឬរង់ចាំបង់ប្រាក់ផ្ទាល់។
មន្ទីរពេទ្យមិត្តភាពកម្ពុជា-ចិន ព្រះកុសុមៈ
ទូទាត់ដោយបញ្ចូល "Invoice ID" ឬកូដ "PID" ជាលេខវិក្កយបត្រ
អគ្គនាយកដ្ឋានគយនិងរដ្ឋាករកម្ពុជា
បង់ពន្ធគយ និងរដ្ឋាករ (ពន្ធនាំចេញ-នាំចូល) ដោយបញ្ចូលលេខសម្គាល់អតិថិជន ឬស្កេន Barcode លើវិក្កយបត្រ។
អគ្គនាយកដ្ឋានពន្ធដារ
- បង់ពន្ធអចលនទ្រព្យ និង ពន្ធលើមធ្យោបាយដឹកជញ្ជូន តាមកម្មវិធី GDT Taxpayer App
- ប្រកាសពន្ធអាជីវកម្ម សម្រាប់អ្នកជាប់ពន្ធតូច តាមកម្មវិធី GDT Tax Prefiling App ប្រចាំខែ និងប្រចាំឆ្នាំ

អត្ថប្រយោជន៍
លក្ខណៈពិសេស
លក្ខខណ្ឌទូទៅ

ការបម្រើសេវាខ្លួនឯង ៖ ទូទាត់វិក្កយបត្រដោយខ្លួនឯង និងចំណេញពេលវេលា ។
ភាពងាយស្រួល ៖ ទូទាត់វិក្កយបត្រ បានគ្រប់ទីកន្លែង និងគ្រប់ពេលវេលា ដោយគ្មានការរង់ចាំ ។
ការត្រួតពិនិត្យ ៖ មានឱកាសចាត់ចែងចំណាយផ្សេងៗ និងត្រួតពិនិត្យដោយខ្លួនឯង ។
ការចូលរួម ៖ ទទួលបានចំណេះដឹងថ្មីៗ ក្លាយជាមនុស្សទាន់សម័យ ព្រមទាំងអាចរួមចំណែកក្នុងការអភិវឌ្ឍសង្គមជាតិ ។
ឱកាសផ្សេងៗ ៖ មានឱកាសប្រើប្រាស់ផលិតផល និងសេវាផ្សេងៗទៀតរបស់ធនាគារ ក្នុងពេលដំណាលគ្នា ។

អាចទូទាត់វិក្កយបត្រតាមរយៈសេវាអេស៊ីលីដាម៉ូបាល គ្រប់ពេលវេលា និងទីកន្លែង យ៉ាងងាយស្រួល និងមានប្រសិទ្ធភាពខ្ពស់ ។
អាចទូទាត់បានតាមតម្រូវការ ដោយគ្មានការកំណត់ចំនួនប្រតិបត្តិការ ឬចំនួនទឹកប្រាក់ប្រចាំថ្ងៃ ។
បន្ទាប់ពីលោកអ្នកធ្វើប្រតិបត្តិការរួចភ្លាម ប្រព័ន្ធនឹងកាត់ចំនួនទឹកប្រាក់តាមវិក្កយបត្រចេញពីគណនីលោកអ្នក រួចផ្ទេរចូលទៅក្នុងគណនីរបស់ក្រុមហ៊ុនដោយស្វ័យប្រវត្តិ ។
រូបិយប័ណ្ណ គឺអាស្រ័យទៅលើរូបិយប័ណ្ណ នៅក្នុងវិក្កយបត្ររបស់លោកអ្នក ។ ប្រសិនបើប្រភេទរូបិយប័ណ្ណនៃគណនីរបស់លោកអ្នកខុសពីរូបិយប័ណ្ណ នៅក្នុងវិក្កយបត្រ ប្រព័ន្ធនឹងប្តូរដោយស្វ័យប្រវត្តិតាមអត្រាប្តូរប្រាក់ផ្លូវការរបស់ធនាគារអេស៊ីលីដា នៅពេលនោះ ។

លោកអ្នកត្រូវបញ្ចូល លេខសម្គាល់អតិថិជន / លេខទីតាំងប្រើប្រាស់ចរន្ត / លេខទូរស័ព្ទ / លេខវិក្កយបត្រ ឱ្យបានត្រឹមត្រូវ នៅពេលធ្វើប្រតិបត្តិការទូទាត់ ។
បន្ទាប់មក លោកអ្នកត្រូវបញ្ចូលចំនួនទឹកប្រាក់ដែលត្រូវទូទាត់ ឱ្យបានគ្រប់ចំនួនតាមវិក្កយបត្រជាក់ស្តែង ។
លោកអ្នកអាចទូទាត់បានតែចំពោះវិក្កយបត្រក្នុងខែ ឬវិក្កយបត្រដែលនៅមានសុពលភាពប៉ុណ្ណោះ ។
លោកអ្នកត្រូវទូទាត់ឱ្យបានគ្រប់ចំនួនតាមវិក្កយបត្រជាក់ស្តែង មុនកាលបរិច្ឆេទផុតកំណត់ចំនួន ១ថ្ងៃ ។ សម្រាប់ការទូទាត់ថ្លៃប្រើប្រាស់ចរន្តអគ្គិសនី លោកអ្នកត្រូវទូទាត់ឱ្យបានមុនថ្ងៃផុតកំណត់បង់ប្រាក់ យ៉ាងតិចបំផុតពីរថ្ងៃនៃថ្ងៃធ្វើការ ។
លោកអ្នកត្រូវមានទឹកប្រាក់គ្រប់គ្រាន់នៅក្នុងគណនី ទើបអាចទូទាត់បានជោគជ័យ ។
ធនាគារមិនទទួលខុសត្រូវចំពោះបញ្ហាផ្សេងៗដែលអាចកើតឡើង ដោយការខកខានមិនបានបង់ប្រាក់ ឬបង់ប្រាក់មិនគ្រប់ចំនួនតាមវិក្កយបត្រជាក់ស្តែងនោះទេ ។

សម្រាប់តម្រូវការប្រើប្រាស់សេវាធនាគារ និងព័ត៌មានផ្សេងៗទៀត សូមទាក់ទងការិយាល័យទំនាក់ទំនងអតិថិជន បានគ្រប់ពេលវេលា ២៤ម៉ោងក្នុងមួយថ្ងៃ និង៧ថ្ងៃក្នុងមួយសប្តាហ៍ ។

ទូទាត់​វិក្កយបត្រតាម​​អេស៊ីលីដា​ម៉ូបាល

ទូទាត់វិក្កយបត្រតាមអេស៊ីលីដាម៉ូបាល