ព័ត៌មានព័ត៌មានថ្មីៗធនាគារ អេស៊ីលីដា ទទួលបានវិញ្ញាបនបត្រ "កម្រិតមាស" ជាធនាគារការពារសុវត្ថិភាពអតិថិជន កម្រិតខ្ពស់បំផុត

ធនាគារ អេស៊ីលីដា ទទួលបានវិញ្ញាបនបត្រ "កម្រិតមាស" ជាធនាគារការពារសុវត្ថិភាពអតិថិជន កម្រិតខ្ពស់បំផុត

ថ្ងៃទី២៨ ខែមករា ឆ្នាំ២០២៦

ធនាគារ អេស៊ីលីដា មានកិត្តិយសដែលបានជាប់ចំណាត់ថ្នាក់ខ្ពស់បំផុតនៅលើពិភពលោក (សម្រាប់ឆមាសទី២ ឆ្នាំ២០២៥) ដោយទទួលបានវិញ្ញាបនបត្រ ទទួលស្គាល់ពីការការពារសុវត្ថិភាពអតិថិជន (Client Protection Certificate) កម្រិតមាស ពីស្ថាប័ន MFR Global Rating Agency ដែលជាទីភ្នាក់ងារវាយតម្លៃសកល ទទួលស្គាល់កម្រិតស្តង់ដារខ្ពស់បំផុត សម្រាប់ឧត្តមភាពក្នុងការអនុវត្តក្នុងវិស័យធនាគារ ប្រកបដោយក្រមសីលធម៌ និងការទទួលខុសត្រូវ។

វិញ្ញាបនបត្រនេះបានវាយតម្លៃដោយឯករាជ្យ ដោយភ្នាក់ងារ MFR ហើយបានបញ្ជាក់ថា ធនាគារ អេស៊ីលីដា ផ្តល់សេវាហិរញ្ញវត្ថុដែលមានសុវត្ថិភាព តម្លាភាព ត្រឹមត្រូវ និងផ្តោតលើអតិថិជនជាធំ ស្របតាមស្តង់ដារសកល ក្នុងការគ្រប់គ្រងប្រតិបត្តិការសម្រាប់សង្គម និងបរិស្ថាន។

លើសពីនេះទៀត ប្រតិបត្តិការដ៏រឹងមាំរបស់ធនាគារ អេស៊ីលីដា ក្រោមការវាយតម្លៃលើការលើកកម្ពស់សង្គម និងបរិស្ថាន (Social & Environmental Rating) បង្ហាញពីការប្តេជ្ញាចិត្តរបស់យើងខ្ញុំ សម្រាប់បរិយាប័ន្នហិរញ្ញវត្ថុកម្រិតខ្ពស់ បង្កើនអត្ថប្រយោជនដល់អតិថិជន និងសង្គម ដោយមានការទទួលខុសត្រូវ និងកំណើនប្រកបដោយចីរភាព។

ការទទួលស្គាល់នេះ បានបន្ថែមការខិតខំប្រឹងប្រែងរបស់ធនាគារ អេស៊ីលីដា ដោយធ្វើអ្វីៗគ្រប់យ៉ាង ត្រូវស្តាប់អតិថិជន និងគិតផលប្រយោជន៍អតិថិជនជាធំ គឺអតិថិជនរីកចម្រើន ធនាគាររីកចម្រើន។

នេះជាព្រឹត្តិការណ៍ដ៏សំខាន់មួយ សម្រាប់និរន្តរភាពវិស័យហិរញ្ញវត្ថុ។

ធនាគារ អេស៊ីលីដា សូមគោរពថ្លែងអំណរគុណយ៉ាងជ្រាលជ្រៅ ចំពោះអតិថិជន និងដៃគូទាំងអស់ ដែលបានបន្តគាំទ្រ និងជឿទុកចិត្តលើការប្រើប្រាស់សេវាធនាគារ។

« ព័ត៌មានមុន
ធនាគារ អេស៊ីលីដា ភីអិលស៊ី បន្តទទួលបានជាផ្លូវការ វិញ្ញាបនប័ត្រ PCI DSS ជំនាន់ 4.0.1