របៀបចុះឈ្មោះអេស៊ីលីដាម៉ូបាល សម្រាប់កុមារ
verifiedកុមារទាំងអស់អាចប្រើសេវាធនាគារឌីជីថល ដែលមានសុវត្ថិភាព និងឆ្លាតវៃ!
ឥឡូវនេះ អាណាព្យាបាល និងឪពុកម្តាយ អាចចុះឈ្មោះអេស៊ីស៊ូភើអេប សម្រាប់កុមារដែលមានអាយុចាប់ពី 10ឆ្នាំ ដល់ក្រោម 15ឆ្នាំ អាចប្រើប្រាស់សេវាធនាគារតាមប្រព័ន្ធឌីជីថល ដ៏ទំនើប ស៊ីវិល័យ រហ័ស និងមានសុវត្ថិភាពខ្ពស់ ដោយអាណាព្យាបាលអាចគ្រប់គ្រងប្រតិបត្តិការ របស់កុមារបានដោយផ្ទាល់។
ដើម្បីចុះឈ្មោះឱ្យកុមារអាចប្រើ អេស៊ីស៊ូភើអេប បាន អាណាព្យាបាល ឬឪពុកម្តាយទាំងអស់ ត្រូវមានគណនីធនាគារ និងបានភ្ជាប់នៅលើអេស៊ីស៊ូភើអេប។
I. ទូរសព្ទរបស់អាណាព្យាបាល
- បើកកម្មវិធី អេស៊ីស៊ូភើអេប នៅលើទូរសព្ទរបស់អាណាព្យាបាល
- ចុចលើ "គណនី" (អាណាព្យាបាលត្រូវមាន គណនីធនាគារ ទើបអាចចុះឈ្មោះបើកគណនីកុមារ នេះបាន)
- សូមស្កេនស្នាមម្រាមដៃ ឬផ្ទៃមុខ ឬបញ្ចូលលេខសម្ងាត់
- ចុច "គណនីថ្មី"
- ជ្រើសរើស "ចុះឈ្មោះប្រើប្រាស់សេវាអេស៊ីលីដាម៉ូបាល សម្រាប់កុមារ"
- ចុចលើលក្ខខណ្ឌ ដើម្បីអាន និងយល់ព្រមតាមលក្ខខណ្ឌ
- ចុច "យល់ព្រម, ខ្ញុំរួចរាល់ហើយ"
- ថតឯកសារសម្គាល់របស់កុមារ (សំបុត្រកំណើត, សៀវភៅគ្រួសារ, ឬលិខិតបញ្ជាក់ដែលមានឈ្មោះឳពុក-ម្តាយ ឬអាណាព្យាបាលដែលចេញដោយអាជ្ញាធរមានសមត្ថកិច្ច)
- ថតផ្ទៃមុខរបស់កុមារ (សូមដោះវ៉ែនតា មួក ឬម៉ាស) ដោយព្រិចភ្នែក និងញញឹម
- ចុច "យល់ព្រម"
- បញ្ចូលព័ត៌មានរបស់កុមារ
- ចុច "យល់ព្រម"
- សូមបញ្ចូលលេខកូដផ្ទៀងផ្ទាត់ (OTP) ដែលនឹងផ្ញើទៅទូរសព្ទកុមារ
- ចុច "យល់ព្រម"
II. ទូរសព្ទរបស់កុមារ
- សូមចុចលើតំណភ្ជាប់ នៅលើទូរសព្ទកុមារ រួចចុច Download/Get ឬចូលទៅ App Store/Google Play/AppGallery រួចស្វែងរក "ACLEDA mobile" បន្ទាប់មកចុច Download/Get
- បើកម្មវិធីអេស៊ីស៊ូភើអេប
- បញ្ចូលលេខទូរសព្ទរបស់កុមារ
- ចុចសញ្ញាព្រួញ
- សូមអានលក្ខខណ្ឌបើកគណនីកុមារ រួចចុច "យល់ព្រម"
- បញ្ចូលលេខសម្ងាត់ផ្ទាល់ខ្លួន សម្រាប់ប្រើអេស៊ីស៊ូភើអេប
- ចុច "យល់ព្រម"
- ការចុះឈ្មោះបានរួចរាល់ សូមចុច "ចាប់ផ្តើមប្រើសេវាធនាគារ"