ព័ត៌មានថ្មីៗ 

លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា ទទួលចំណាត់ថ្នាក់ A- ជាទេសាភិបាលដែលដឹកនាំធនាគារកណ្តាលប្រកបដោយប្រសិទ្ធភាព

ថ្ងៃទី២ ខែកញ្ញា ឆ្នាំ២០២៥

តាងនាមថ្នាក់ដឹកនាំ និងកម្មករនិយោជិត ធនាគារ អេស៊ីលីដា ភីអិលស៊ី គ្រប់លំដាប់ថ្នាក់ សូមសំដែងនូវអំណរសាទរយ៉ាងក្រៃលែង ជូនចំពោះ លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា ក្នុងឱកាសដែលទស្សនាវដ្តីអន្តរជាតិ Global Finance ផ្តល់ចំណាត់ថ្នាក់ A- ជាទេសាភិបាលដែលដឹកនាំធនាគារកណ្តាល ប្រកបដោយប្រសិទ្ធភាពប្រចាំឆ្នាំ២០២៥។

ផ្សារមូលបត្រកម្ពុជា និងធនាគារ អេស៊ីលីដា ភីអិលស៊ី បានសហការរៀបចំវគ្គបណ្តុះបណ្តាល

ថ្ងៃទី១៥ ខែសីហា ឆ្នាំ២០២៥

ស្តីពីការបង្ហាញព័ត៌មានសាជីវកម្មរបស់បុគ្គលចុះបញ្ជីលក់មូលបត្របំណុល សម្រាប់វិនិយោគិនគុណវុឌ្ឍិនៅផ្សារមូលបត្រកម្ពុជា ដល់មន្រ្តីជំនាញ ធនាគារ អេស៊ីលីដា ភីអិលស៊ី។

ធនាគារ អេស៊ីលីដា ជាប់ចំណាត់ថ្នាក់ក្នុងចំណោមធនាគារពិភពលោកកំពូលទាំង ១០០០ ឆ្នាំ២០២៥ របស់ទស្សនាវដ្ដី The Banker

ថ្ងៃទី៨ ខែសីហា ឆ្នាំ២០២៥

ធនាគារ អេស៊ីលីដា ភីអិលស៊ី មានមោទនភាពជាធនាគារខ្មែរតែមួយគត់ ដែលបានចូលរួមក្នុងចំណាត់ថ្នាក់ "Top 1000 World Banks 2025" ដោយទស្សនាវដ្ដី The Banker

ដំណើរទស្សនកិច្ចជាផ្លូវការរបស់ លោក Maarten Terlouw ប្រធាន និងសហប្រធានផ្នែកវិនិយោគរបស់ក្រុមហ៊ុនអាមេរិក Argentem Creek ព្រមទាំងសហការី

ថ្ងៃទី៥ ខែសីហា ឆ្នាំ២០២៥

បណ្ឌិត អ៊ិន ចាន់នី ប្រធាននាយកប្រតិបត្តិ និងថ្នាក់គ្រប់គ្រង ធនាគារ អេស៊ីលីដា ភីអិលស៊ី បានទទួលស្វាគមន៍យ៉ាងកក់ក្តៅ ចំពោះដំណើរទស្សនកិច្ចជាផ្លូវការរបស់ លោក Maarten Terlouw ប្រធាន និងសហប្រធានផ្នែកវិនិយោគរបស់ក្រុមហ៊ុនអាមេរិក Argentem Creek...

ការចូលរួមសប្បុរសធម៌ដោយស្ម័គ្រចិត្ត ជាមួយធនាគារ អេស៊ីលីដា ភីអិលស៊ី "មូលនិធិស្ម័គ្រចិត្តសម្រាប់បុព្វហេតុការពារបូរណភាពទឹកដីខ្មែរ"

ថ្ងៃទី២៦ ខែកក្កដា ឆ្នាំ២០២៥

ធនាគារ អេស៊ីលីដា ភីអិលស៊ី មានកិត្តិយសសូមជម្រាបដំណឹងជូន អតិថិជន និងសាធារណជន មេត្តាជ្រាបថា ដើម្បីចូលរួមចំណែកជាមួយរាជរដ្ឋាភិបាលកម្ពុជា ក្នុងស្មារតីស្នេហាជាតិ និងសាមគ្គីភាពជាតិជាធ្លុងមួយ សំដៅរក្សាបាននូវអធិបតេយ្យភាព ការពារបូរណភាពទឹកដី ក៏ដូចជាការគាំទ្រដល់វីរកងទ័ពតាមបន្ទាត់ព្រំដែនជួរមុខ ខ្មែរជួយខ្មែរ...

ប័ណ្ណអេស៊ីលីដា បានបំពាក់ប្រព័ន្ធសុវត្ថិភាពកម្រិតខ្ពស់បន្ថែមទៀត សម្រាប់រាល់ការទូទាត់ទំនិញ-សេវាកម្មផ្សេងៗតាមអនឡាញ

ថ្ងៃទី១០ ខែកក្កដា ឆ្នាំ២០២៥

ប័ណ្ណអេស៊ីលីដា គ្រប់ប្រភេទ បានធ្វើបច្ចុប្បន្នភាពបំពាក់បន្ថែមប្រព័ន្ធបច្ចេកវិជ្ជាការពារសុវត្ថិភាពប័ណ្ណកម្រិតខ្ពស់បំផុត ដោយរាល់ពេលអតិថិជនទូទាត់ថ្លៃទំនិញ-សេវាកម្មតាមអនឡាញ ប្រព័ន្ធនឹងតម្រូវឱ្យអតិថិជនបញ្ជាក់ប្រតិបត្តិការ តាមរយៈអេស៊ីស៊ូភើអេប ឬបញ្ចូលលេខកូដសុវត្ថិភាព (OTP) ដែលប្រព័ន្ធនឹងផ្ញើសារតាមអ៊ីម៉ែល ឬ SMS ​ទៅលេខ​ទូរសព្ទរបស់ម្ចាស់ប័ណ្ណ។

ដំណើរទស្សនកិច្ចជាផ្លូវការរបស់ឯកឧត្តម Ermenegildo Kupa Lopes ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាធិបតេយ្យទីម័រឡេស្តេ ប្រចាំព្រះរាជាណាចក្រកម្ពុជា

ថ្ងៃទី៨ ខែកក្កដា ឆ្នាំ២០២៥

នៅថ្ងៃទី៨ ខែកក្កដា ឆ្នាំ២០២៥ វេលាម៉ោង ១០:០០ព្រឹក បណ្ឌិត អ៊ិន ចាន់នី ប្រធាននាយកប្រតិបត្តិ និងថ្នាក់គ្រប់គ្រង ធនាគារ អេស៊ីលីដា ភីអិលស៊ី បានស្វាគមន៍យ៉ាងកក់ក្តៅ ចំពោះដំណើរទស្សនកិច្ចជាផ្លូវការរបស់ ឯកឧត្តម Ermenegildo Kupa Lopes ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាធិបតេយ្យទីម័រឡេស្តេ ប្រចាំព្រះរាជាណាចក្រកម្ពុជា នៅការិយាល័យកណ្តាល ធនាគារ អេស៊ីលីដា ភីអិលស៊ី។

កិច្ចសហប្រតិបត្តិការទូទាត់ឆ្លងដែនតាមឃ្យូអរកូដរវាងកម្ពុជា (KHQR) និង ជប៉ុន (JPQR)

ថ្ងៃទី៤ ខែកក្កដា ឆ្នាំ២០២៥

បន្ទាប់ពីភាពជោគជ័យនៃការដាក់ឱ្យដំណើរការទូទាត់ QR ឆ្លងដែនរវាងប្រទេសកម្ពុជា ជាមួយនឹងប្រទេសថៃ វៀតណាម និងឡាវ ធនាគារ អេស៊ីលីដា បានពង្រីកវិសាលភាពរបស់ខ្លួនជាមួយនឹងការដាក់ឱ្យប្រើប្រាស់ប្រព័ន្ធទូទាត់ឃ្យូរអរឆ្លងដែននៅប្រទេសជប៉ុន ហើយនាពេលខាងមុខ ធនាគារ អេស៊ីលីដា គ្រោងនឹងបន្តពង្រីកវិសាលភាពនៃការទូទាត់ឃ្យូរអរឆ្លងដែនបន្ថែមទៀត ជាមួយប្រទេសសិង្ហបុរី ឥណ្ឌា និងបណ្តាប្រទេសមួយចំនួនទៀតនៅក្នុងតំបន់។

ធនាគារ អេស៊ីលីដា បើកដំណើរការអគារការិយាល័យថ្មី សាខាក្រុមហ៊ុនក្នុងស្រុក (ខណ្ឌសែនសុខ - សង្កាត់ភ្នំពេញថ្មី)

ថ្ងៃទី៣០ ខែមិថុនា ឆ្នាំ២០២៥

ធនាគារ អេស៊ីលីដា មានមោទនភាព ប្រកាសបើកដំណើរការអគារការិយាល័យថ្មី សាខាក្រុមហ៊ុនក្នុងស្រុក (ខណ្ឌសែនសុខ - សង្កាត់ភ្នំពេញថ្មី) ចាប់ពីថ្ងៃទី៣០ ខែមិថុនា ឆ្នាំ២០២៥ នេះតទៅ។

ធនាគារ អេស៊ីលីដា ភីអិលស៊ី និង ក្រុមប្រឹក្សាអភិវឌ្ឍន៍កម្ពុជា ចុះអនុស្សរណៈនៃការយោគយល់គ្នា ស្តីពីការប្រើប្រាស់ប្រព័ន្ធទូទាត់ប្រាក់រួម cdcOSP ដើម្បីប្រមូលចំណូលសេវាសាធារណៈ

ថ្ងៃទី២០ ខែឧសភា ឆ្នាំ២០២៥

កិច្ចសហប្រតិបត្តិការនេះ ស្តែងឱ្យឃើញពីការគាំទ្រដល់ការអភិវឌ្ឍសេដ្ឋកិច្ចជាតិ និងឆ្លុះបញ្ចាំងពីការប្តេជ្ញាចិត្តរួមគ្នា ក្នុងការបន្តពង្រឹងអភិបាលកិច្ច បង្កើនល្បឿននៃការធ្វើឌីជីថលនូបនីយកម្ម លើកកម្ពស់បរិយាកាសវិនិយោគនៅកម្ពុជា ព្រមទាំងផ្តល់ជម្រើសដ៏សំបូរបែបដល់អ្នកស្នើសុំសេវាសាធារណៈ...