homenavigate_nextក្រុមហ៊ុនចុះបញ្ជីnavigate_nextក្រុមហ៊ុនចុះបញ្ជីលក់មូលបត្រកម្មសិទ្ធិ
| ឆ្នំាបង្កើត | ១៨៩៥ |
|---|---|
| ចំណាត់ថ្នាក់វិស័យ | (០០៦១០១) ផលិត និងចែកចាយទឹក |
| ប្រភេទភាគហ៊ុនចុះបញ្ជី | ភាគហ៊ុនធម្មតា |
| ចំនួនភាគហ៊ុនចុះបញ្ជី | 86,973,162 |
| លេខកូដស្តង់ដារ | KH1000010004 |
| និមិត្តសញ្ញា | PWSA (រទសភ) |
| កាលបរិច្ឆទចុះបញ្ជី | ថ្ងៃទី១៨ ខែមេសា ឆ្នាំ២០១២ |
| ចំនួនបុគ្គលិក | ១.០៣៣ នាក់ |
| គេហទំព័រ | www.ppwsa.com.kh |
រដ្ឋាករទឹកស្វយ័តក្រុងភ្នំពេញ (រ.ទ.ស.ភ) ត្រូវបានបង្កើតឡើងជាគ្រឹះស្ថានសាធារណៈដែលមានលក្ខណៈសេដ្ឋកិច្ច ស្ថិតក្រោមច្បាប់ស្តីពីលក្ខន្តិកៈទូទៅនៃសហគ្រាសសាធារណៈ ។ នៅថ្ងៃទី១៨ ខែមេសា ឆ្នាំ២០១២ រ.ទ.ស.ភ បានចុះបញ្ជីជាផ្លូវការនៅក្រុមហ៊ុនផ្សារមូលបត្រកម្ពុជា ដោយបានបោះផ្សាយលក់មូលបត្រជាសាធារណៈចំនួន ១៣.០៤៥.៩៧៥ ភាគហ៊ុន ដែលស្មើនឹង ១៥% នៃចំនួនភាគហ៊ុនធម្មតាសរុប ។
រ.ទ.ស.ភ បានប្តេជ្ញាចិត្តបន្តធ្វើឱ្យសេវាផ្គត់ផ្គង់ទឹកស្អាតរបស់ខ្លួនមានការរីកចម្រើនប្រកបដោយចេរភាពព្រមទាំងធ្វើជាអ្នកផ្តល់ប្រឹក្សាជាអ្នកសម្របសម្រួលដើម្បីឱ្យប្រជាពលរដ្ឋរស់នៅក្នុងទីប្រជុំជន ខេត្ត-ក្រុង នៅទូទាំងព្រះរាជាណាចក្រកម្ពុជា និងប្រជាពលរដ្ឋរស់នៅក្នុងបណ្តាប្រទេសកំពុងអភិវឌ្ឍន៍ ក្នុងពិភពលោកមានទឹកស្អាតប្រើប្រាស់ទាំងអស់គ្នា ។
| ក្រុមប្រឹក្សាភិបាល | មុខតំណែង |
|---|---|
| ឯកឧត្ដម សឹម ណារ៉ា | ប្រធាន (តំណាងក្រសួងឧស្សាហកម្មនិងសិប្បកម្ម) |
| ឯកឧត្ដម ស៊ឹម ស៊ីថា | សមាជិក (អគ្គនាយក រ.ទ.ស.ក.) |
| ឯកឧត្ដម ម៉ី វ៉ាន់ | សមាជិក (តំណាងក្រសួងសេដ្ឋកិច្ចនិងហិរញ្ញវត្ថុ) |
| ឯកឧត្ដម នួន ផារ័ត្ន | សមាជិក (តំណាងសាលារាជធានីភ្នំពេញ) |
| លោក ឡុង ណារ៉ូ | សមាជិក (តំណាងបុគ្គលិករ.ទ.ស.ក.) |
| លោក ចាង ឃុនហ្វេង | សមាជិក (អភិបាលមិនមែនប្រតិបត្តិ តំណាងភាគហ៊ុនិកឯកជន) |
| លោក អោម សេងបូរ៉ា | សមាជិក (អភិបាលឯករាជ្យ) |
បេសកកម្មរបស់ រ.ទ.ស.ភ គឺធានាផ្គត់ផ្គង់ទឹកស្អាតគ្មានមេរោគ ២៤ម៉ោង ក្នុងមួយថ្ងៃ ៧ថ្ងៃ ក្នុងមួយសប្តាហ៍ មានសម្ពាធគ្រប់គ្រាន់ និងក្នុងតម្លៃមួយសមស្របជូនប្រជាពលរដ្ឋទូទាំងរាជធានីភ្នំពេញ និងទីប្រជុំជនរបស់ខេត្តកណ្តាលដែលជាប់នឹងរាជធានីភ្នំពេញ ដោយមិនមើលរំលងប្រជាពលរដ្ឋក្រីក្រ ។ ក្រៅពីនេះ រ.ទ.ស.ភ បាននឹងកំពុងចែករំលែកបទពិសោធន៍ការងាររបស់ខ្លួន ដល់បណ្តារដ្ឋាករទឹក ខេត្ត-ក្រុង មួយចំនួននៅក្នុងព្រះរាជាណាចក្រកម្ពុជា ព្រមទាំងបណ្តាអង្គភាពទឹកស្អាតក្នុងតំបន់ និងក្នុងពិភពលោកតាមសំណូមពរសំដៅសម្រេចបាននូវគោលដៅអភិវឌ្ឍន៍សហស្សវត្សរ៍កម្ពុជា ក៏ដូចជាគោលដៅអភិវឌ្ឍន៍សហស្សវត្សរ៍ពិភពលោក ។
ភាគហ៊ុនិកកាន់កាប់ភាគហ៊ុនចំនួនច្រើន
| ភាគហ៊ុនិកកាន់កាប់ភាគហ៊ុនចំនួនច្រើន | % ភាគហ៊ុន |
|---|---|
| ក្រសួងសេដ្ឋកិច្ចនិងហិរញ្ញវត្ថុ | ៨៥,០០% |
ចំណាំ ៖ ភាគហ៊ុនិកកាន់កាប់ភាគហ៊ុនចំនួនច្រើន ៖ ភាគហ៊ុនិកកាន់កាប់ភាគហ៊ុន ≥៥% នៃភាគហ៊ុនចុះបញ្ជី ។
គោលនយោបាយភាគលាភ
ក្រោយពីបានអនុម័តលើគណនី បើពិនិត្យឃើញថាមានចំណេញ ក្រុមប្រឹក្សាភិបាលនៃរដ្ឋាករទឹកស្វយ័តក្រុងភ្នំពេញ អាចសម្រេចផ្ទេរទឹកប្រាក់ទាំងនោះដើម្បី ៖
- ការទូទាត់ការខាតបង់នៅក្នុងឆ្នាំកន្លងទៅ
- បន្ទាប់ពីបានទូទាត់ការខាតបង់នៅក្នុងឆ្នាំកន្លងទៅរួច ប្រសិនបើមានប្រាក់ចំណេញនោះប្រាក់ចំណេញនេះត្រូវបែងចែកសម្រាប់ ៖
- ថ្លែងសរសើរដល់ថ្នាក់ដឹកនាំ និងនិយោជិត តាមលក្ខខណ្ឌ ៖
- ក្នុងករណីប្រាក់ចំណេញនៅសល់មានចំនួនពី ៥% ដល់ ១០% នៃចំណាយដំណើរការរបស់ រដ្ឋាករទឹកស្វយ័តក្រុងភ្នំពេញ សរុបក្នុងឆ្នាំ នោះការថ្លែងសរសើរត្រូវស្មើនឹងមួយខែនៃប្រាក់បៀវត្សសុទ្ធសាធរបស់ថ្នាក់ដឹកនាំ និងនិយោជិតម្នាក់ៗ។
- ក្នុងករណីប្រាក់ចំណេញលើសពី ១០% ដល់ ២០% នៃចំណាយដំណើរការរបស់ រដ្ឋាករទឹកស្វយ័តក្រុងភ្នំពេញ សរុបក្នុងឆ្នាំ នោះការថ្លែងសរសើរត្រូវស្មើនឹងពីរខែនៃប្រាក់ បៀវត្សសុទ្ធសាធរបស់ថ្នាក់ដឹកនាំ និងនិយោជិតម្នាក់ៗ។
- ក្នុងករណីប្រាក់ចំណេញលើសពី ២០% នៃចំណាយដំណើរការរបស់រដ្ឋាករទឹកស្វយ័តក្រុងភ្នំពេញ សរុបក្នុងឆ្នាំ នោះការថ្លែងសរសើរត្រូវស្មើនឹងបីខែនៃប្រាក់បៀវត្សសុទ្ធសាធ របស់ថ្នាក់ដឹកនាំ និងនិយោជិតម្នាក់ៗ។
- ចំនួន ២% សម្រាប់ប្រាក់សោធននិវត្ត និងអសមត្ថភាពវិជ្ជាជីវៈ។
- បង្កើតភាគបម្រុងតាមច្បាប់ ៥%។
- បង្កើតភាគបម្រុងសេរីចំនួន ៥%។
- មូលនិធិ ៥% លើប្រាក់ចំណេញសម្រាប់បម្រើផលប្រយោជន៍សង្គម ដែលត្រូវកត់ត្រាចូលក្នុងបន្ទុកក្នុងឆ្នាំ ដែលធ្វើប្រតិបត្តិការចំណាយនោះ។
- ចំនួនប្រាក់ដែលនៅសល់បន្ទាប់ពីការបែងចែកខាងលើនេះត្រូវ ៖
- ដកប្រាក់រក្សាទុកដើម្បីធ្វើការវិនិយោគនាពេលខាងមុខ ដែលចំនួននេះត្រូវអនុម័តដោយក្រុមប្រឹក្សាភិបាល។
- ប្រាក់នៅសល់ក្រោយពីការរក្សាទុកសម្រាប់ធ្វើការវិនិយោគត្រូវធ្វើការបែងចែក ៨៥% ទៅក្រសួងសេដ្ឋកិច្ច និងហិរញ្ញវត្ថុ និង ១៥% ទៅភាគហ៊ុនិកដែលជាវិនិយោគិនសាធារណៈ។
ការលក់ភាគហ៊ុនលើកដំបូង IPO
| ព័ត៌មានអំពីការលក់ភាគហ៊ុនលើកដំបូង IPO | |
|---|---|
| ថ្លៃ IPO (រៀល) | 6,300 |
| តម្លៃចារឹក (រៀល) | 1,000 |
| ចំនួនភាគហ៊ុនចុះបញ្ជី | 86,973,162 |
| ចំនួនភាគហ៊ុនបោះផ្សាយ | 13,045,975 |
| កាលបរិច្ឆេទជួញដូរដំបូង | 18 មេសា 2012 |
| ថ្លៃបិទដំបូង (រៀល) | 9,300 |
| ក្រុមហ៊ុនធានាទិញមូលបត្រ | តុងយ៉ាង ស៊ីឃ្យួរឹធី (ខេមបូឌា) ភីអិលស៊ី បច្ចុប្បន្ន យាន់តា ស៊ីឃ្យួរឹធី (ខេមបូឌា) ភីអិលស៊ី |
- របាយការណ៍ប្រចាំឆ្នាំ២០១៩
- របាយការណ៍ប្រចាំត្រីមាសទី៣ ឆ្នាំ២០១៩
- របាយការណ៍ប្រចាំត្រីមាសទី២ ឆ្នាំ២០១៩
- របាយការណ៍ប្រចាំឆ្នាំ ២០១៧
- របាយការណ៍ហិរញ្ញវត្ថុ ២០១៧ (ភាសាអង់គ្លេស)
- របាយការណ៍ប្រចាំឆ្នាំ ២០១៦
- របាយការណ៍ហិរញ្ញវត្ថុ ២០១៦ (ភាសាអង់គ្លេស)
- របាយការណ៍ប្រចាំឆ្នាំ ២០១៥
- របាយការណ៍ហិរញ្ញវត្ថុ ២០១៥ (ភាសាអង់គ្លេស)
០៩ កញ្ញា ២០១៥
២៤ កក្កដា ២០១៥
០៦ មេសា ២០១៥
១២ មីនា ២០១៥
១៨ កញ្ញា ២០១៤
១០ កក្កដា ២០១៤
០៧ កុម្ភៈ ២០១៤
២៦ វិច្ឆិកា ២០១៣
០៦ កញ្ញា ២០១៣
០៤ មិថុនា ២០១៣
២០ កុម្ភៈ ២០១៣